–

قبل ماتكلم, حابب اقول انا بوجه كلامي ده لمين
انا بوجه كلامي ده لعمرو أبومسلم كمان كام سنة
كلنا بيبقى نفسنا في حاجات حلوة أوي ومع طحنة الدنيا ومرور السنين بنتغير وبننسى أحلامنا وأهدافنا

–

أستاذ أبومسلم … أعرني انتباهك من فضلك!

–
أنا عارف ان حضرتك بتجيب أكل للواد مسلم
وعارف كمان انك جايبله لعب عشان يكسرها
وعارف والله انك بتجيبلو بامبرز وبتدفع أد كده
بس على فكرة, انت مش الأب الوحيد اللي بيعمل كده, تقريبا كل الأبهات بيعملو كده أو أكتر شويتين

ممكن بس متبصش لإبنك مسلم على إنه معدة ماشية على الأرض … مش كل حاجة أكل
ممكن متبصش للواد على إنه ****** …. مش كل حاجة بامبرز

ممكن تهتم أكتر بعقليته من وهو لسه عنده سنة واحدة؟

عقليته … تفكيرة … أراءه … إبداعه … كلامه … طموحاته
ممكن بعد إذنك تعامله على إنه راجل كبير؟؟؟ … مش قصدي تحرمه من حقوقه كطفل أكيد
بس قصدي, إديله مقامه … احترمه

أرجوك يا ابومسلم, اهتم بعقلية وشخصية ابنك أكتر ماتهتم ببطنه

–